Navn: Helene Leivdal
Alder: 16 år
Yrke: skuleelev
Bustad: Hjelle i Eid
– Kva planar har du for sommaren?
– Eg skal vere mykje på hytta og så skal eg besøke vener og familie. Eg skal rett og slett kose meg med å ha fri. Og så skal eg på Malakoff, så klart.
– Korleis er ein perfekt sommardag for deg?
– På ein perfekt sommardag er det sol frå tidleg morgon, eg er på ei strand med gode vener der vi grillar, solar oss, høyrer på gladmusikk og spelar spel.
– Kva er ditt favorittreisemål?
– Eg likar å reise til Syden, og spesielt Spania. Der blir ein fortare brun, og så er der så mange flotte strender og badeplassar.
– Kva er ditt beste sommarminne?
– Alle søskenbarnsamlingane eg har vore på. Søskena til mamma med familiar treffast alltid den siste helga i sommarferien for å gjere mykje kjekt i lag. Det er det beste med sommaren.
– Kven vil du gi ei korg jordbær?
– Besteforeldra mine. Dei er så flinke til å hjelpe familien min, og er elles veldig snille. Og så får vi låne hytta deira.
– Kva legg du helst på grillen?
– Eg likar best å grille pølser med brød, og et gjerne salat til.
– Kva finn du på om det regnar?
– Om det regnar ute sit eg inne og spelar kortspel og brettspel saman med familie og vener. Kan også finne på å sjå ein film.
– Har du ein favorittfjelltur?
– Eg likar godt å gå på Hjellesætra og Rindane.
– Kven beundrar du?
– Foreldra mine. Dei tek oss med på så mykje kjekt, og gjer så mykje for oss.
– Har du ein hobby?
– Eg spelar fotball og handball. Eg er også med i korps og i 4H.
– Kva les du i lokalavisa?
– Eg les mest aviser på nettet. Der les eg nyheiter frå Eid og elles det eg finn interessant.
– Kva står på di førsteside av Fjordenes Tidende?
– Ekte sommar på Eid!