Dette innlegget er skrevet av Vågsøy-politikar Daniel Henriksson (Raudt) og sto på trykk i Fjordenes Tidende tysdag 23. februar.
Kapitalismen er døyande!
Meiner Vågsøy bør seie nei til alle invitasjonar
Fleire tal frå rapporten:
– 2015 var året då den rikaste 1 prosent eig meir enn alle oss andre 99 prosent.
– Dei superrike gøymer unna 7.600 milliardar dollar frå skattlegging.
– 90 prosent av dei største selskapa i verda finst i minst eitt skatteparadis.
– Afrika blir rana for 14 milliardar dollar i tapte skatteinntekter på grunn av at pengar blir gøymt unna i skatteparadis. Kvart år.
Det økonomiske systemet vi har i dag kan ikkje overleve. Det er berre å sjå rundt om kring i verda på alle kriser som kapitalismen har skapt og skaper. At vi lever under eit system som stendig krev økonomisk vekst i form av auka forbruk kan aldri vere berekraftig og må bytast ut. Jo før jo heller. Vi må spørje: Er dette det beste vi menneske får til? Er dette den beste måten å organisere økonomi og samfunn på?
Vi i Raudt meiner at ei annan måte å organisere økonomien på både er mogleg og nødvendig. Ein økonomi som er demokratisk styrt og basert på ei eller anna form for planøkonomi. Her er ikkje økonomisk vekst det viktigaste, men å organisere samfunnet sånn at alle får ta del i verdiane som vert skapt på ein berekraftig måte. Då vil ikkje auka produktivitet føre til auka arbeidsløyse, men komme alle til gode gjennom til dømes kortare arbeidstid.
Det er mange som ser at det systemet vi har i dag, der pengar og profitt styrer alt, må bytast ut. Korleis og når det vil skje er ikkje enkelt å spå, men om vi allereie i dag begynne å snakke om det og planleggje for ei verd etter kapitalismen, så står vi mykje betre rusta.