Selje gjenbruksstasjon – stengd
Ja, du les rett. På Nomil sine heimesider står det at gjenbruksstasjonen i Selje er stengt heile juli månad. Siste dag før ferien var 27. juni og opning 1. august.
Farleg avfall, ein gong i månaden, den siste tysdagen i månaden, det vil seie 29. august, er neste gong vi får levere. Forstå det den som kan. Sommaren er ryddetid då mange eldre får hjelp av barn til å rydde. Kvar skal dei gjere av avfallet? Skal tru om det vert mange private bål rundt om i bygdene?
Ettersom eg forstår så er det berre Selje som har slike ordningar. På Eid er det ope både tysdagar og torsdagar for alt avfall (også farleg.)
Tidlegare var det folk ifrå Selje som stod for mottaket, men frå i vår, måtte Nomil sine skulerte folk stå for mottaket.
Opningstida før var både tysdagar og torsdagar og vi kunne få levert alt avfallet på same tid.
No må Nomil/kommunen ordne opp slik at stasjonen i Selje vert opna snarast.
