Havsalt sommar:

Sentralt og mektig landemerke

Her får du tips om kva du kan gjere som turist i vår eigen region.

Hornelen er flott å sjå på både over og under vatn. Foto: Svenn Petter Kjerpeset 

Kultur

Hornelen med sine 860 meter er rekna for å vere den høgste sjøklippa i Nord-Europa, og tek ein turen til toppen ventar ei fantastisk panoramautsikt over det varierte landskapet i regionen.

Fjellet ligg heilt aust på Bremangerlandet, og er eit sentralt landemerke tidlegare nytta til navigasjon. Det er også eit segnomsust fjell der det mellom anna vert sagt at Olav Tryggvason har klatra opp fjellveggen.

I hovudsak vert to ulike ruter nytta for å komme seg til toppen, og ein bør vere van med å gå i fjellet og ha med seg kjentfolk for å gå turen. Om ein vågar, kan ein legge seg på kanten og sjå ned i Skatestraumen.

Her kan du lese meir om alt det fantastiske du kan oppleve i vår region, i Fjordenes Tidende sitt eige reiselivsmagasin Havsalt sommar.