Namn: Arve Espe
Alder: ung
Bustad: i vakre Hjelmelandsdalen
Sivilstand: singel
Yrke: gallerist og turistvert
– Kva planar har du for sommaren?
– Jobb. Er gallerist og turistvert i Kulturhuset Gamlebanken.
– Kva har du alltid med deg i kofferten, og kva er ditt beste pakketips?
– Gode bøker og fine klede. Det beste pakketipset er system i kofferten.
– Når slår feriekjensla inn for fullt?
– Når hausten og mørket kjem, og vi er ferdig og feire Opera Nordfjord sitt 20-årsjubileum med årets produksjon La Boheme i oktober, og operautstilling med Ørnulf Opdahl i Gamlebanken, då fortener eg sol og varme.
– Kor hadde du reist med uavgrensa budsjett?
– Verda rundt!
– Kva kjendis ville du tatt med til ei aude øy?
– Reiser ikkje til ei aude øy, omgås kjendisane her på Eid.
– Kor ville du tatt med dine sommargjestar?
– På kunstutstilling i Kulturhuset Gamlebanken.
– Kor likar du best å bade?
– Ingen badeløve, tryggast og varmast på land.
– Kva gjer du i hagen i sommar?
– Har stor hage med mykje tre og blomar. Eg har 100 Skaugumbegonia som skal stellast og snakkast med, og mykje anna.
– Kva fjelltopp er den finaste om sommaren?
– Naustdalskamben med den fine dagsturhytta.
– Kva er ditt beste festivalminne?
– Malakoff Rockfestival som eg har vore med og arrangert.
– Kva serverer du helst ein sommardag?
– Prosecco og jordbær.
– Kva tenker du om å ta ferie frå sosiale medium?
– Uaktuelt, må vere oppdatert.
– Kva eldsjel fortener ei korg med jordbær?
– Gunn Guddal. Nøkkelperson i Malakoff Rockfestival.