150 speidarar frå heile fylket har innteke Refvik for ei veke med aktivitetar og friluftsliv.
- Dette er den største kretsleiren på fleire år, kanskje sidan 1970-talet, seier kretsleiar i Sogn og Fjordane Niels Larsen.
150 av dei totalt 350 medlemmane i fylket er på plass i Refvik i strålande vêr. Leiren starta i går laurdag og varer ei veke.
Leiar av speidergruppa i Måløy, Mats Brunsvik, synest det er gledeleg med så mange speidarar har funne vegen til Vågsøy.
Speidarar i alderen 10 til 16 år frå Måløy, Eid, Leikanger, Hyen, Naustdal, Førde, Kaupanger og Sogndal kan vente seg ei veke full av aktivitetar.
På planen står mellom anna kanopadling, rollespel, matlaging, bruk av kart og kompass, dragebygging og figurstøyping.