Måløy hadde ein julekonsert som sette mange i den rette julestemninga rett opp under jul, også dei som song og spelte.
-Konserten gav meg ei god julestemning. Alt var fint å høyre på, seier Verena Våge (11), som spelte kornett i Holvik Skulekorps på konserten i Sør-Vågsøy kirke søndag.
Alle kor og korps i Deknepollen, Holvik, Vågsvåg og Måløy var med, og dermed kunne publikum få høyre Måløy Songlag, Måløy Musikklag, Holvik Skulekorps, Sweet Spirit, Viltkoret, Skavøypoll Skulemusikkorps og Torskanger Musikklag.