Namn: | Madeleine Larsen Barmen |
Alder: | 25 år |
Sivilstand: | sambuar |
Bustad: | Sogndal, men kjem frå Kalvåg |
Yrke: | prosessoperatør |
– Kva er du mest oppteken av?
– Eg er mest oppteken av at familie og venner skal ha det godt. Og aller mest av alt, sonen min på 1 år.
– Kva gjer du på fritida?
– På fritida likar eg å vere ute i naturen og styre med alt mogleg, og å bruke tida mi på venner og familie.
– Kven beundrar du?
– Eg beundrar bestemor mi, Inger, som var frå Kalvåg. Ho var ei heilt spesiell og svært elskverdig dame som alltid var der for alle. Skulle vore fleire som ho.
– Kva er det beste med heimstaden din?
– Det beste må vere naturen og havet. Eg saknar det opne havet her inne i Sogn.
– Kva står på di førsteside av Fjordenes Tidende?
– Det veit eg ikkje heilt.
– Kva ville du ha gjort om du var ordførar for ein dag?
– Prøvd å gjort mitt beste for samfunnet. Akkurat kva, er eg litt usikker på.
– Kva kulturoppleving huskar du best?
– Eg hugsar veldig godt turane eg har hatt ut på klosteret i Selje. Fantastisk flott plass.
– Kva har du på nattbordet?
– Ein lampe, mobilen og bilete av sonen min.
– Kva nettstadar er du innom i laupet av ein dag?
– Sosiale nettstadar og ein haug med nettaviser. Blant anna Dagbladet, VG, Sogn Avis, Fjordenes Tidende og NRK.
– Kva er meininga med livet?
– Det må vere å nyte kvart sekund ein kan, og oppleve mest mogleg.
Les fleire Dagens ansikt her: