På øya Selja kan du fordjupe deg i historia om Sankta Sunniva. Den irske kongedottera var, ifølgje legenda, på flukt frå vikingar og kom til Selja. Her vart ho gravlagt i ei steinrøys, men kroppen vart seinare funnen heilt intakt. Vernehelgenen for Vestlandet var eit faktum.
Selja kloster- og helgenanlegg er eit av dei best bevarte anlegga i landet, og her kan ein vandre i ruinane som ligg i storslått natur med utsikt rett mot havet.
I perioden 18. juni til 12. august går det to daglege turar med Klosterbåten som inkluderer guiding i helgenanlegget. Før denne perioden går klosterbåten ein dagleg tur på laurdagar.
Her kan du lese meir om alt det fantastiske du kan oppleve i vår region, i Fjordenes Tidende sitt eige reiselivsmagasin Havsalt sommar.