4H-arane kan oppleve både fjellturar og delta på aktivitetar som matlaging, vikingliv, skyting, leikarring og dans, kajakk, klatring, golf, besøk på hjortefarm, paintball, hest og spikking.
Det vert også ulike tevlingar i år, som tidlegare år. Både tautrekking og volleyball står på programmet, og under volleyballturneringa vil fylkets beste lag bli kåra.
– Vi har jobba i lag lenge i leirkomiteen for å legge alt til rette for ein fantastisk leir med mange kjekke opplevingar, fortel Olav Berstad (18).
Han er leirsjef i lag med Julie Nilsen Sundal (18):
– Det blir eit kjekt og variert program som kjem til å passe for kvar ein smak, legg ho til.
Fylkesleiren er for 4H-arar frå 12 år, men under leiren vil også aspirantar på 10 og 11 år delta på aspirantleir frå laurdag til søndag. Fredag kveld vil det vere open leir for alle som er nysgjerrige og har lyst til å komme på besøk, då vert det både konsert og aktivitetar for dei tilreisande.
Under leiren blir det også konsert med utflytta kjølsdøl Odd Erik Lothe.