I Operahuset Nordfjord blir det laurdag mellom anna kafé i foajeen og konsert som er gratis og open for alle. Påmelde kor er Farnes Mannskor, Norum Songlag, Leikanger Mannskor, Brekke Mannskor, Årdalskoret, D-kor, Fjordklang, Måløy Songlag, Vyrde Mannskor, Austrheim mannskor, Rygg Songlag, Cantando, Eid Mannskor og Stårheim Songlag.
Laurdag 26. mai blir det songartog som går ruta Operahuset via Skulevegen til Hogatunet der ein stansar for å synge Fagert er Landet. Toget går så vidare bort Rådhusvegen til Almenningen, Eidsgata og Operahuset.
Stemnet fristar også med frivillig busksynging i sentrum før profankonserten i operasalen på ettermiddagen. Det blir også utdeling av medaljar i forkant av konserten.
Seinare er det festmiddag, program og dans i Valhall.
Søndag 27. mai er det kyrkjekonsert i Eid kyrkje før det er lunsj på Eid kyrkjetun.