Har alltid fått respekt som kvinner i Forsvaret

Therese Solibakke, Cecilie Raknes og Mai Elise Hammer er kvinnelege soldatar i Stad HV-område. Trass stor mannleg overvekt i Forsvaret har dei alltid følt seg respektert.

Kvinner i mannsmiljø: Cecilie Raknes (f.v.) frå Halsør, Therese Solibakke frå Bryggja og Mai Elise Hammer frå Eid er tre av fire kvinner i Stad HV-område med ein styrke på cirka 140 soldatar. – Vi blir møtt med respekt, seier dei. ALLE FOTO: JØRN-ARNE TOMASGARD 

Nyheter

– Det er ingen tvil om at Forsvaret er ein mannsbastion. Då eg var i ingeniørregimentet på Hønefoss som 19-åring i 1996-97, var eg åleine kvinne saman med 500 menn. Det var ei veldig bratt læringskurve. Men eg opplevde det aldri ubehageleg. Eg har alltid kjent meg respektert som kvinne. Dei siste åra er det blitt langt fleire kvinner i Forsvaret. Det betrar seg, meiner Therese Solibakke frå Bryggja.