Onsdag kveld hadde Utrykkingspolitiet endå ein gong fartskontroll i 80-sona på Rv 15 på Totland i Vågsøy kommune.
Åtte bilførarar var for tunge på gassen og fekk forenkla førelegg for å ha brote fartsgrensa.
Bilføraren med høgste fart køyrde i 113 kilometer i timen. Han berga så vidt førarkortet, men må ut med heile 10.200 kroner i bot, opplyser Utrykkingspolitiet.
Han fekk i tillegg tre prikkar i førarkortet som han må ha i tre år.