Søndag kveld klokka 22.08 blei Hovudredingssentralen på Sola kontakta av AMK-sentralen.
Ein mann i 60-åra hadde falle i sjøen ved Skjærebuda på Silda i Vågsøy kommune..
Eit Seaking-helikopter vart sendt ut.
- Då vi kom fram var mannen plukka opp av sjøen. Vi fekk han om bord i helikopteret og frakta han til sentralsjukehuset i Førde, seier vakthavande ved redningssentralen på Sola, Jan Lillebø.
Like før midnatt var helikopteret framme på sjukehuset i Førde.
Lillebø kunne ikkje seie noko om tilstanden til mannen.
Vakthavande ved politiet sin vaktesentral i Sogn og Fjordane kjende ikkje til at det hadde skjedd noko uhell på Silda. Dei har ikkje vore ute for å sjekke denne episoden.