– Vi har eit forhold som er meldt der nokon har knust frontruta og begge sidespeglane på ein bil. Dette har sannsynlegvis skjedd torsdag ettermiddag, seier politisjef, Tormod Hvattum.
Politiet er kjent med at det også var ein annan bil som fekk nesten heile bakruta si knust same dag, men dei har ikkje fått inn ein anmeldelse på dette forholdet.
Reidar kom heim frå jobb – fann bilen ramponert
– Nærliggande å tru at det er samanheng
– Det er ikkje ofte slike ting skjer i Måløy så det er nærliggande å tru at dei to forholda har ein samanheng, seier han men legg til at ein sjølvsagt ikkje kan vere sikre på dette.
Bilen som fekk knust frontrute og sidespeglar stod parkert under brua i Måløy. Den andre bilen stod parkert i Gate 1 i nærleiken av Telenor-krysset.
– Ta kontakt
Politiet har allereie mottatt nokre tips, men dei ønsker at folk tar kontakt dersom dei har sett noko eller sit på opplysningar om hærverket.
– Noko av etterforskinga vi har starta med er å undersøke videoovervaking i området og vi har begynt å sjå på desse, avsluttar han.