– Eg hadde sett garn fredag kveld, og drog garnet laurdag morgon. Då eg kjende på fisken eg hadde fått var han hard i buken. Det viste seg at torsken har slukt ein Red bull-boks, forklarar Midthjell.
Det var Fjordabladet som først omtalte saka.
Midthjell håpar dette kan vere ei åtvaring til andre.
– Det handlar om å tenke på miljøet vårt. Eg i likskap med andre såg kvalen som hadde magen full av plast. Når eg er på butikken ber eg aldri om pose. Eg har med eigen, fortel Midthjell, og legg til:
– Når ein kastar ting i naturen kan det lett blåse på sjøen. Dette må vere ei åtvaring til andre.