Det er tydeleg at Jørgen Blålid ikkje er ferdig med fritidsparken som set ein status for liknande prosjekt i Vestland og i landet. Sjølv om den allereie inneheld nok til at folk kan kose seg der i mange timar.
I prosessen har Blålid fått eit utvida nettverk:
– Eg har blitt kjent med fleire i bygda som eg tidlegare ikkje hadde kontakt med og fått ei stor kontaktflate både i politiske miljø, i næringslivet og i bankmiljøet. Eg har fått mykje meir kompetanse og kunnskap og eg er frimodig nok til å seie at eg er blitt ein racar på å søke pengar, smilar han.
Han blir inspirert når han ser noko gøy på tur som kunne passe inn i fritidsparken og han liker å høyre andre sine idear.
– Vi kan lage eit konkurraneområde à la Mesterenes mester, ein konsertarena der vi kan stenge av heile området og ha gode fasilitetar med straum og vi kan arrangere ting på vatnet, smiler han.
