Malakoff Rockfestival etablerer ny lavvocamp ved Eid vidaregåande skule.
No har festivalen inngått avtale med fylkeskommunen på området vest for skulen under festivalcampen 20.-22. juli neste sommar. Området har kapasitet til 50 lavvoar og om lag 300 gjestar.
Se bildene fra den strålende lørdagen
Ferdig oppsett
Det var no sist sommar at festivalen for første gong tilbydde lavvocamp. Livet i den nye lavvocampen var av det meir rolege slaget. Her var femti lavvotelt slått opp på marka på Skipenes, og langs Eidselva var det idyllisk morgonbading av festivaldeltakarane.
- Vi er kjernen på campen
– Det positive er at vi får ein plass å overnatte, og at her er ferdig oppsette telt. Det er mindre stress, og det er berre å flytte inn. Men det er for langt bort til festivalområdet. Dei sa det skulle vere fem minutt unna. Det tok 16 minutt, klaga ungdommane lattermildt.
Rolegare
– Skipenes var eit fint område å ha lavvocamp, men den var på ei mark som skal slåast, og difor vart vi einige om å kike oss rundt etter noko anna. Vi er veldig godt fornøgd med camp ved Eid vgs. Her har gjestane også høve til å bruke dusj og toalett, og har tak over hovudet om vêret blir dårleg, fortel Naustdal.
- Ein draum som går i oppfylling
– Vi vil ha ein god tone med naboane, og vil gjere vårt beste for å sikre at dei blir ivaretatt og det blir minst mogleg sjenanse frå lavvocampen desse sommardagane, seier festivalsjefen. Campen er tenkt plassert lengst vekk frå bustadhus.
Slutt på å feste i partytelt på Malakoff
Partytelt på Malakoff sin festivalcamp vert det no slutt på.
– Vi vel å prioritere dei som treng overnattingsplass, og tar difor vekk partytelt frå festivalcampen, seier festivalsjef Arnt-Ivar Naustdal.
Festivalcampen på Nordfjordeid er ein av dei største i landet med 5.000 ungdommar som overnattar. Her sydar det av liv heile festivalhelga, men interessa er så stor at ikkje alle får plass.
I tillegg er det planar om bustadbygging i hotellhagen, noko som kan gi litt mindre areal til det som til no har vore festivalcampen.
– Difor kan ikkje vi rekne med dette arealet. Vi ser på moglegheita til å utvide andre område som grensar til oss og som ikkje har vore brukt før. Tanken vår er å bruke arealet vårt betre, og difor tar vi vekk partytelta. Vi må få plass til fleire, fastslår Naustdal.
–Opplever de ramaskrik når partytelta no blir borte?
– Det har vore overraskande lite negative tilbakemeldingar på det. Vi meiner det er riktig det vi gjer med å prioritere overnattingsplassar, og folk tilpassar seg dette og forstår, seier han.