Sikta for å ha trua fleire personar med våpen

– Torsdag skal mannen ha møtt opp på ei adresse i Nordfjord og truga fleire personar med eit skytevåpen, seier politiadvokat Elisabeth Siqveland Morstøl til NRK Vestland som først omtala saka.

NRK skriv vidare at mannen sette seg imot arrestasjon, noko som resulterte i at han no også er sikta for vald og trugsmål mot politiet.

– Han er sikta for fleire trusselforhold. Han er også sikta for vald og trugsmål mot politiet og for skadeverk, så dette er noko vi ser alvorleg på, seier Morstøl til NRK.

Den sikta mannen nektar i all hovudsak straffskuld for det han er sikta for.

– Han vedgår å ha truga politiet, men nektar for våpentrugsmål, seier Jørgen Riple som er forsvarar for mannen til NRK.