Namn: Karl-Henry Myklebust
Alder: 24 år
Sivilstand: Ledig!
Yrke: lærling i produksjonsteknikk, operatør på smelteverk
Bustad: Ålfoten.
– Kva er du mest oppteken av?
– Følger spent med på kva som skjer med kystvegtraseen over nordfjorden. Håpar på at det blir slik som statens vegvesen la fram no for litt sidan.
– Kva gjer du på fritida?
– Elles er eg bilentusiast og skal ta mc-lappen i sommar.
– Kven beundrar du?
– Eg er stor fan av han Lars Monsen, eg har sett alt av seriane hans og ønsker å bli litt meir friluftsmenneske enn det eg er no. Utruleg at han satsa på å bli verdas beste hundekøyrer samtidig som han slåst med borreliosen.
– Kva er det beste med heimstaden din?
– Det beste med heimstaden min er landskapet og roen. Har budd i Bergen og likte bylivet, men det er langt meir behagelig på landet.
– Kva står på di framside av Fjordenes Tidende?
– På framsida mi står det: Ny vegstandard i heile fylket, ferdig 2025, staten betaler!
– Kva hadde du gjort om du var ordførar for ein dag?
– Om eg var ordførar for ein dag ville eg kjempa mot kommunesammenslåing.
– Kva kulturoppleving hugsar du best?
– Største kulturopplevinga eg har opplevd var Iron Maiden i Bergen, men vil også nemne Malakoff på Eid og Chickelacke som brukte å vere i Florø.
– Kva har du på nattbordet?
– Eg har bil- og historieblad på nattbordet, samt ei sværa vekkerklokke då eg trenger et push om morningen!
– Kva nettstadar er du innom i løpet av ein dag?
– Følger med på forskjellige nettaviser som BT, VG og FJT, må også innom finn.no i løpet av dagen, og så sjekker eg så klart Facebook og les diverse som blir linka til og delt der.
– Kva er meininga med livet?
– Meininga med livet er sommardagar i bilen på langtur, helst utan eit spesielt mål!