Eid Elektro går så det suser. I 2013 hadde dei rekordhøge 65,7 millionar i omsetning. No bygger dei ut for å få plass til alle tilsette.
I fjor opplevde det eidbaserte elektroselskapet si hittil største årsomsetning på 65,7 millionar kroner. Og utsiktene for 2014 ser veldig bra ut.
– Vi har gjort ytterlegare grep i år, som vi håpar vil syne att i tala dei neste åra. Vi har mange ordrar på blokka, og store ordrereservar på både kort og lang sikt, seier dagleg leiar Ove Kjøllesdal.
Verksemda ser heile tida etter nye vegar til utvikling. Via eit tverrfagleg samarbeid med GK Norge og Skår VVS kan til dømes Eid Elektro vere med på å tilby totaltekniske entreprisar på større prosjekt innan rørlegging, ventilasjon og elektro.
– Vi prøver å vekse kontrollert. Store prosjekt krev at vi har fleksibilitet, kompetanse og stor arbeidskapasitet, noko vi meiner vi har. Vi har mange ingeniørar, teknikarar og tilsette med lang erfaring. Også kombinasjonen av yngre nyutdanna og eldre erfarne medarbeidarar fungerer godt, seier teknisk leiar Tore Hjelle.
Les heile saka i Fjordenes Tidende si papirutgåve.