– Det er nokon som har knust ei inngangsdør til ein kafe i sentrum, men det ser ikkje ut som noko er stole, fortel politioverbetjent Morten Hagen ved Måløy politistasjon.
Det var politiet sjølv som oppdaga skadeverket på Bjørg’s Mat natt til søndag og eigaren av kafeen i Måløy måtte ut og sikre inngangsdøra.
– Vi veit ikkje kven som har gjort det og er interesserte i å kome i kontakt med personar som har tips i saka, seier Hagen.
Han antar at skadeverket har skjedd i tidsrommet mellom at utestadane stengde og klokka 04 natt til søndag.
