Ordførarane i Bremanger og Vågsøy er skjønt einige om at signalet om ferjeavløysingsmidlar også til fylkesvegar handlar om realisering eller ikkje for bruprosjekta på Kystvegen.
– Vi har ikkje det same trafikkgrunnlaget som dei har mellom byane på Møre eller mellom Bergen og Stavanger. Så vi er meir avhengige av gode ordningar som denne som no er komen på plass, seier Morten Hagen (H), ordførar i Vågsøy.
Saman med naboordførar Karl Vidar Førde (Sp) er han derfor glad for at kommunalminister Jan Tore Sanner nyleg sa at ordninga kjem som ein del av kommuneøkonomiproposisjonen.
– Berre det som no blei sagt med at fylkesvegferjer vert likestilt med riksvegar får oss langt på veg, men så håpar vi jo også at komiteen si innstilling om å auke til 40 års utbetaling også vert tatt til følgje, seier Hagen.
For å få realisert Kystvegen lokalt handlar det om to parsellar. Tunnel mellom Svelgen og Indrehus er vedteken og klar til bygging. Prosjektet står som nummer to i fylket etter Olden-Innvik.
Les mer i papirutgaven av Fjordenes Tidende.