Eit tjuetals tilsette har også sin arbeidsplass i den vesle bygda langs riksveg 15.
Den gode utviklinga feira bygdefolket med stor fest på skulen laurdag.
– Det blei eit flott program der elevane song mange forskjellige songar, seier rektor Thomas Hals, som førte publikum inn i den raude tråden for dagen som var at sjølv om Kjølsdalen er ei ganske så lita bygd, så er dei likevel ein del av ei stor verd.
– Og korleis vi er med kvarandre påverkar folk og verda kring oss.
Har vist seg at det var verdt å satse: Opplever stor vekst
Fekk takk for innsatsen
Mangeårig styreleiar, Ove Kjøllesdal, takka kollegiet ved skulen for all innsats som dei legg ned i drifta ved skulen.
– Styret hadde med ein stor oppsats til dei tilsette ved skulen, seier Hals.
Kjøllesdal peikte også på historia, og viste til Hals, som i dag er rektor, sin tanke om at det kanskje kunne vere ein idé for ei driftig bygd som Kjølsdalen å sjå nærare på moglegheitene for private alternativ, då dåverande Eid kommune rasla litt med strukturendringssablane igjen.
– Ein veldig god idé om eg må seie det sjølv! smiler Hals.
Rekordmange deltakere i nasjonal miljøkonkurranse: Denne skolen ble fylkesvinner
Mange sende helsingar
Det kom helsingar frå tidlegare og noverande ordførarar.
– Kjølsdalen Montessoriskule har verkeleg vore ein suksess. Kommunen har fått ein samla sett betre skule av at de drog i gang skulen! Eg takkar for godt samarbeid i tidlegare år og ønsker all lukke til vidare med skulen, laud helsinga frå Alfred Bjørlo (V).
Skulen får truleg kjøpe areal for å utvikle drifta vidare
Og her er orda frå noverande ordførar Sigurd Reksnes (Sp):
«Kjære alle som er til stades for å feire Kjølsdalen Montessori skule! Gratulerer så mykje med tiårsdagen! De har skapt ein god skule som gjer at barna i Kjølsdalen og bygdene rundt kan få gå på skule i sitt nærmiljø. Det er svært gledeleg å sjå at elevtalsutviklinga har vore god desse åra, og at det kjem opp nye hus og nye innbyggarar til Stad kommune i dette området.
Imponerte rektor: Elevane sprang inn over 7.000 kroner til utsette barn
Det som de har fått til viser at de bur i ei bygd med masse intitativ og skaparkraft. Det er viktig for å halde oppe levande bygder i kommunen vår. Eg ser fram til godt samarbeid framover, og kjem gjerne på besøk!
Lukke til med feiringa og hipp, hipp, hurra for Kjølsdalen Montessoriskule!»
Så var det tid for kake, song og musikk og ein god del blomeoverrekkingar.
Hals fortel at foreldregruppa ved skulen stilte opp med mykje flott kakemat til festen etter programmet. Og så fekk dei også hjelp av ein tidlegare elev.
– I skuletida dagen før festen kom tidlegare eleven Jakob Sætre, som ser føre seg ein framtid innan arbeid med mat, innom og viste og laga til «fingermat» saman med elevar frå den noverande ungdomsskuleflokken. Dei følgde godt med og jobba raskt med sine oppgåver etterpå, seier Hals.