Fleirtalet på 21 valde å halde fram med Kinn – medan 18 sa nei takk

Dermed er der fleirtal i kommunestyret for å halde fram med Kinn kommune, slik det knappe fleirtalet i folkerøystinga også ville. Dei som meinte at fleirtalet for å dele i Vågsøy burde bli høyrt kom i mindretal.

I folkerøystinga stemde 3.427 personar for oppløysing, medan 3.471 stemde for at Kinn skulle halde fram. 49,14 mot 48,52 prosent.

I kommunestyret stemde Ap, V, KrF og Frp samla for å halde fram med Kinn. MDG delte seg, Geir Arne Solheim stemde for deling, medan Marte Hollevik stemde for Kinn. I tillegg stemde Arlene Vågene og Vidar Grønnevik frå Høgre for Kinn. Totalt 21 røyster.

Raudt, SV, Sp og fire kandidatar frå Høgre ønska å dele, totalt 18 av kommunestyrerepresentantane.

Marte Hollevik frå MDG stemte for å halde på Kinn kommune etter at forslaget til MDG om å sende avgjerda til myndigheitene fall.

Det var fire som stemte for Geir Arne Solheim i MDG sitt forslag om at Kinn kommunestyre ikkje skulle trenge å ta ei avgjerd.

Marte Hollevik og Geir Arne Solheim i MDG.

Anett Berg og Morten Hagen i Høgre.