Vegtrafikksentralen vest meldte tidlegare fredag kveld at ein personbil og ein lastebil var involvert i eit trafikkuhell på fylkesveg 620 mellom Åheim i Vanylven og Otnes på Stadlandet i Stad kommune.
Vegtrafikksentralen meldte at det kunne vere oljesøl i vegbana.
Klokka 21.35 seier operasjonsleiar Steinar Hausvik ved Vest politidistrikt til Sunnmørsposten at hendinga ikkje var dramatisk.
– Det var ikkje ei stor hending. Den eine bilen køyrde inn i den andre frå sida. Airbagane vart ikkje løyst ut, seier operasjonsleiaren.