– Politiet er interessert i observasjonar gjort i området natt til laurdag. Det kan vere bilar eller personar ved småbåthamner, som står fram som dei ikkje har nokon naturleg årsak til å vere der, opplyser politiet i Nordfjord på FB-sida si.
Politiet oppmodar folk til å følge litt ekstra med på båtane sine.
Lasse Brenden var ein av dei som oppdaga at påhengsmotoren hans var stolen og som har meld hendinga til politiet.
Motoren som tjuvane tok med seg frå Brenden sin båt var ein nesten ny Yamaha 70 HK.
– Det er snakk om rundt 250.000 kroner, og det er skikkeleg irriterande no rett før sesongen, seier han.
Han håper at folk som kan ha sett noko følger politiet si oppfordring og tar kontakt dersom dei har sett noko.
For dei som er lokalkjende i Selje og i Moldefjorden blei Brenden sin båtmotor stolen på Øyra.
