Rundt klokka halv sju søndag morgon fekk politiet melding om at ein bil hadde køyrt av vegen ved Bryggja i Vågsøy.
Det er NRK som melder saka.
Politiet forklarar at føraren av bilen hadde gjort ein unnamanøver for å unngå å treffe ein hjort som stod i vegbana, og bilen hamna utfor vegen.
Føraren blei ikkje skadd i hendinga, og hjorten slapp også unna utan skade.
Bilen måtte hentast av bergingsbil etter uhellet, opplyser Vest politidistrikt til NRK.