– Havfiskefestivalen har bestilt eit gatekunstverk, som skal ha med havfiske å gjere. Då kan makrellstørja vere eit godt motiv sidan vi forsøker å legge neste års kvote for makrellstørje til Måløy, fortel prosjektleiar Tone Holvik-Eriksen i Måløy Havfiskefestival.
Håpar på størjekvote
Leiar Kjell Oldeide i Nordfjord havfiskeklubb fortel at ein i Norge har hatt fire-fem år der ein har hatt forsøksfangst etter størje. Han har sjølv vore i møte med Bergen Havfiskeforening og Havforskingsinstituttet for å diskutere høvet for prøvefiske i Måløy.
Står saman om nytt festivaltilbod
Men først skal som nemnt størja på veggen. Holvik-Eriksen har kunstnaren på plass, men vil ikkje avsløre kva vegg som er peika ut til Måløy sitt tredje gatekunstverk.
– Det som er heilt sikkert er at det blir eit veldig kult verk. Avdukinga blir ein programpost under årets festival.
Helga 3.-5. august, når festivalen blir arrangert, kjem det også ein filmskapar til Måløy.
– Han skal lage ein film om festivalen. Filmen blir ein promofilm for Måløy i samband med turistsatsinga som er sett i gang, fortel Holvik-Eriksen.
Skal teste lokalkunnskapen
Ein av dei nye programpostane under årets havfiskefestival er quiz i festivalteltet, Rorbua.
Festivalen vil skape godt miljø
Laurdag er det bluesrock bandet Rawdhouse som spelar i Rorbua på Torget.
– I fjor hadde vi HitStation som laga skikkeleg partystemning. Rawdhouse spelar mykje av dei same songane, i tillegg til eigenproduserte låtar, men med litt meir bluesstemning. Ein kan seie at Rawdhouse er pappaen til HitStation.
Den koselege stemninga skal også prege programmet elles under festivalen.
– Vi satsar på å få fram att den sjela festivalen hadde dei tidlegare åra, seier Holvik-Eriksen, som legg til at Skjærgårdsgutta skal spele.
Elles blir det fleire boder med lokale tilbod på Torget.
– Det blir auksjon med Turid Breidalen, Kystkulturlaget skal ha stand og Måløy Kunstlag skal ha ein spennande aktivitet som rettar seg mot barn.