Fjordane tingrett har bestemt at Statnett får tilgang til Sørdalen i Bremanger, i samband med bygginga av kraftlinja mellom Ørskog og Sogndal.
Det har vore fleire runder i retten om denne delen av linja, der Myklebust grunneigarlag har kjempa kampen for å halde gravemaskinene ute av den freda dalen. No har motparten vunne den seinaste runden, og kan starte arbeidet.
Det er NRK som melder saka.
Dom avgjer når linja kjem
Statnett har venta på avgjerd i denne saka.
– Målet vårt er å ferdigstille alt i løpet av 2016 – utanom dei sju mastepunkta i Sørdalen. Forutan dei pågår arbeidet i henhold til planen, fortalte Martha Hagerup Nilson, kommunikasjonssjef i Statnett Midt-Norge, til Fjordenes Tidende i juni i år.
– Dette er ei viktig avgjerd for Sogn og Fjordane og hele Midt-Norge. Vi kan no halde fram arbeidet med å sikre at Midt-Norge får ei betre straumforsyning, seier konserndirektør Elisabeth V. Vardheim i Statnett til NRK.no.