Det skriv Kinn kommune i ei pressemelding.
Kinn kommune vart varsla om ulykka natt til laurdag og vart bedne om å hjelpe politiet.
– Arbeidet under hendinga var krevjande, og vi vil gjerne gje ros til arbeidet som er utført i natt, skriv kommunen på sine nettsider, og held fram:
– Vårt arbeid no handlar om å ta vare på dei pårørande. Vårt kriseteam er aktivert og yter hjelp til dei pårørande. Vi har også kontakt med kriseteama i andre kommunar for å koordinere arbeidet med dei.
Har starta undersøkingar på staden: Ber vitne ta kontakt
Kinn kommune hadde laurdag ettermiddag eit møte i leiinga og har blitt orientert av politi, helse og brann.
– Dei som handterte hendinga i natt gjorde ein god jobb på skadestaden under vanskelege tilhøve, opplyser kommunen.
Tre unge mennesker mista livet: – Vi er veldig sterkt preget av denne ulykken
Det har i løpet av laurdag vore samlingar med ungdom frå heile regionen på Florø kulturhus og Haffen.
Haffen er no stengt, og Florø kulturhus stenger klokka 18.00. Kinn kommune opplyser at frå klokka 18 til 20 er Florø kyrkje open for alle som ønskjer å møtast.
Om ein har spørsmål eller treng å nå kommunen kan ein ringe dei på 45 97 58 66.