Vind og tekniske problem innstiller ferjesambandet

– Ferjesambandet er innstilt inntil vidare grunna vêret og litt tekniske problem, fortel kaptein Stig Evjen på MF Barmen.

Ferja trafikkerer sambandet Barmen-Barmsund, og det er vinden i kombinasjon med mindre kraft enn vanleg som gjer at ferja no ligg til kai.

– Det er ikkje så ofte vi kansellerer turar på grunn av vêret, så det er det at vi har mindre kraft enn vanleg i kombinasjon med vind som gjer at vi har innstilt avgangar, fortel Evjen.

Ifølge yr.no bles det no liten kuling i området med vindkast på 23 og 24 m/s. Det er venta å blåse liten kuling heile dagen i området.

– Vi får sjå utover dagen når det kan bli drift på sambandet igjen, seier Evjen.

Takkar ferjemannskapet med ei julestjerne: – Dei er livsnerven vår