Ein 80 år gammal gipsmodell av Selja kloster blei sist helg henta frå Bergen til utstilling i Doktorgarden Selje.
Det var Bjørn Jensen og Torkjell Djupedal som var i Bergen og henta klostermodellen som no kan studerast i klosterkommunen.
Bjørn Jensen fortel at modellen blei laga i 1930, og har stått utstilt både i Trondheim og i Bergen, før den til slutt hamna på loftet på Hanseatisk Museum i Bergen.
Modellen viser klosteranlegget før det store restaureringsarbeidet på 1930-talet.
– No blir den ein del av klosterutstillinga i Doktorgarden Selje. Selje kommune har fått den på ei mellombels utlånsavtale, men vi har håp om at utlånsordninga skal bli permanent, seier Jensen, prosjektleiar for Selje kloster- og helgenanlegg.
Det er Torkjell Djupedal og Anna Kjemphol som driv Doktorgarden Selje, og Djupedal er også leiar i Venner av Selja kloster.
Modellen kan sjåast i helga når statua av Sankta Sunniva skal avdukast og når det er Seljumannamesse.
Men først om tre veker får vi sjå ho
Les meir i papirutgåva fredag 5. juni.