Fem personar er sendt med ambulanse til sjukehus etter at dei var inne i Magnhildskartunnelen då det starta å brenne like før klokka 20:00 fredag kveld.
– To av personane har fått i seg meir røyk enn dei andre, men alle er sendt til Førde sentralsjukehus, seier Olaug Holme ved Politiet sin operasjonssentral i Florø.
Det var tre bilar og til saman fem personar i tunnelen då brannen starta. Det er meldt om brann i to av bilane. Den tredje prøvde å rygge ut og havna i fjellveggen.
Bil i full fyr inne i tunnel
Røykdykkarar har gjennomført og avslutta finsøk i tunnelen. Ingen er sakna.
Alle naudetatar rykka ut til bilbrannen i Magnhildskartunnelen mellom Grov og Svelgen på fv. 614.
Mannskap frå Eikefjord, Svelgen og Florø blei kalla ut til brannen etter ei melding om brannen kl. 19.56.