Tidlegare i vinter kom Helsepersonellkommisjonen med sin rapport der det vert tydeleggjort kor alvorleg og omfattande knapp tilgang på helsepersonell vil vere i framtida.
Jordmødre er ei av yrkesgruppene det er og vil bli mangel på, og der vi allereie ser at det er krevjande å rekruttere tilstrekkeleg med folk.
For å møte mellom anna denne utfordringa, som ein allereie kjenner på, ønsker Helse Førde no å samle alle jordmødrene i Nordfjord til ei felles jordmorteneste lokalisert på Nordfjord Sjukehus.
Toppsjefane og leiinga skal møtest her: – Håper vi kan bli einige om vegen vidare
Der ligg også God Start-eininga, som er eit godt tilbod, og populært hos dei nybakte mødrene/foreldra.
Sist måndag var Arve Varden, administrerande direktør i Helse Førde, på besøk i Stad kommune ved eldrerådet.
Han gav der svært tydelege, og gode, signal frå helseforetaket. Nemleg at Nordfjord sjukehus er viktig for innbyggjarane i Nordfjord, men at sjukehuset også er svært viktig for Helse Førde. Dette gjeld også God Start og jordmortenesta.
Ei god jordmorteneste til gravide og fødande kvinner er sjølvsagt svært viktig for at det skal vere både godt og trygt å vere kvinne i fruktbar alder her i vår region.
Eit godt tilbod innber både oppfølging under svangerskapet men også eit godt og trygt føde- og barseltilbod.
Framleis ikkje avklart om kommunane blir med i samarbeidet om det nye jordmorsenteret
For drøye ti år sidan vart det store endringar i fødetilbodet i vår region. Kvinnene reiser no til Førde eller Volda for å føde, men dei kan få komme raskt tilbake til God Start - eininga for god oppfølging i barseltida.
I ei tid der fødekvinner landet rundt må reise stadig tidlegare heim etter fødsel, er dette eit viktig tilbod for nettopp å kunne få ein god start på det nye livet som foreldre.
Dette tilbodet har vist seg å vere svært vellukka og mykje brukt av kvinner i heile Nordfjord. Og det er difor eit tilbod vi må etterstrebe at kan halde fram.
Vi tenker at Helse Førde viser seg som løysingsorienterte og med stor vilje til å satse på gode tilbod til kvinnene i Nordfjord ved at dei no vil samle alt på Nordfjord sjukehus.
Fryktar endringar i jordmortenesta vil gjere gravide utrygge
Alternativet kan fort vere at ein ikkje klarer å bemanne verken God Start–eininga eller dei kommunale jordmorkontora.
Vi forstår sjølvsagt at ein del kvinner kan oppleve det som ein ulempe å måtte reise til Nordfjord sjukehus for svangerskapsoppfølging framfor å kunne få det i eiga bygd.
Fordelen er likevel stor ved at ein får møte faste jordmødre som kjenner lokale forhold og som kjenner den enkelte, framfor å måtte forholde seg til stadig skiftande vikarar.
Dette gir god kvalitet og god tryggleik.