Namn: Ingrid Johanne Brekke Bergh
Alder: 20
Sivilstand: sambuar
Bustad: Bergen, men kjem frå Holvik
Yrke: student
– Kva er du mest oppteken av?
– For tida er eg mest oppteken av utdanninga eg tar, som er barnehagelærar, og å gjere ein god jobb der. Det er eg oppteken av fordi eg vil sikre dei eg skal arbeide med ei god framtid.
– Kva gjer du på fritida?
– På fritida trenar eg, er med vener og kjærasten, og prøvar å vere ein flink student.
– Kven beundrar du?
– Eg synest alltid det er så vanskelig å svara på kven ein beundrar, men eg beundrar foreldra mine. Dei har gitt meg og søskena mine ein heilt utruleg oppvekst og det er eg evig takknemleg for.
– Kva er det beste med heimstaden din?
– Det beste med heimstaden min er den vakre naturen, at det er stille og roleg og familien min. Vi har mykje fint å sjå på og det er noko med det å kome heim, senke skuldrane og berre puste inn den friske lufta.
– Kva står på di førsteside av Fjordenes Tidende?
– På mi førsteside av Fjordenes Tidene står det 100 nye stillingar i Vågsøy kommune.
– Kva hadde du gjort dersom du var ordførar for ein dag?
– Dersom eg var ordførar for ein dag skulle eg ha sørga for at det blei gitt fleire midlar til barnehagar, skular og helse - og omsorgssektoren.
– Kva kulturoppleving hugsar du best?
– Malakoff er ei kulturoppleving som slår an kvart år for min del.
– Kva har du på nattbordet?
– Akkurat no ligg boka Utviklingspsykologiske perspektiv på barns oppvekst på nattbordet mitt. Som sagt, eg prøvar å vere ein flink student.
– Kva nettstadar er du innom i løpet av ein dag?
– Eg er som regel innom Facebook, Instagram, fjt.no og bt.no i løpet av ein dag. Også er eg vel litt for ofte innom nettstader der ein kan hande kle.
– Kva er meininga med livet?
– For meg er meininga med livet å oppleve mykje, vere med dei som ein bryr seg om og etter kvart slå seg til ro.
Les tidlegare «Dagens ansikt» her: