– Først og fremst så er vi opptatt av å ta vare på dei pårørande og sørge for at dei får den hjelp og støtte dei treng. Vi har sjølvsagt kontakt med dei pårørande i vår kommune og nær kontakt med kriseteam i dei andre kommunane som dei to forulukka er frå, seier Kinn-ordførar Ola Teigen.
Natt til laurdag opna kommunen dørene til Florø kulturhus for dei som trengde ein plass å gå til eller nokon å snakke med.
– Her vil det vere ope også utover dagen i dag, seier Teigen.
Tre unge mennesker mista livet: – Vi er veldig sterkt preget av denne ulykken
– Forferdeleg og meiningslaust
Vest politidistrikt fekk fredag kveld, klokka 22.45, melding om ei trafikkulykke i Florø med to involverte biler. To personar, som hadde kome seg ut av den eine involverte bilen, blei sendt med luftambulanse og ambulanse til Førde sentralsjukehus.
Bilen som sto i fyr blei utbrent, og i den utbrente bilen var det tre personar, der alle tre er bekrefta omkomme.
– Det er ei forferdeleg hending og noko som gjer sterkt inntrykk. Det er dessverre ikkje første gangen vi opplever å miste altfor unge folk i trafikkulukker. Det er like forferdeleg og meiningslaust når noko slikt skjer, seier Teigen.
Tre personer omkom i bilulykke
– Sterke inntrykk
Laurdag morgon var det møte mellom naudetatane og kommuneleiinga.
– Det var ein debrifing for dei som var med på hendinga. Det er sterke inntrykk også for profesjonelt mannskap, så det er viktig at dei også får oppfølging.