– Elevane som deltok har gjort ein imponerande jobb for å sette seg inn i situasjonen i Mali, seier Elin Monstad, frå FN-sambandet og ansvarleg for rollespelet som elevane gjennomførte nyleg.
Tryggingsrådet var samla i Operasalen for å prøve og løyse den omfattande konflikten i Mali. Landet har opplevd ein rekkje terroråtak, militærkupp, konflikt om ressursar og svolt. FN har vore i Mali i fleire år med fredsbevarande styrkar.
Elevane i 3. klasse studieførebuande og påbygg hadde førebudd seg godt til den viktige dagen. Ville elevane ved Eid vidaregåande skule klare å bli einige om ei løysing/resolusjon på den omfattande konflikten?
Linnea Strand og Emma Solheim Fløtre sin jobb under forhandlinga i Tryggingsrådet, var som bakspelarar for dei ulike landa sine ambassadørar.
– Gjennom rollespelet har vi lært mykje om korleis FN fungerer. Det var nok langt vanskelegare enn vi på førehand hadde tenkt. Spesielt vanskeleg er det å få gjennomslag når mektige land har vetorett, fortel dei.
Monstad frå FN-sambandet understrekar kor viktig det er at dagens unge gjer seg kjent med dagens store og små konfliktar, og den geopolitiske situasjonen, kanskje spesielt i Afrika, eit kontinent med enorme naturressursar.
Skal du søke skule i desse dagar? Les spennande saker om korleis andre unge trivst på sin skule
Elskar å redigere film og programmere: – Her er det så fritt og vi får jobbe med eigne prosjekt
Lurer du på kva linje du skal velje? Desse fire meiner studiespesialiserande er trygt, kjekt og opnar fleire dører
Aurora, Malin, Lukasz, Linnea og Malin er garantert jobb: – Desse elevane stiller sterkt både i utdanning og arbeidsliv
Denne kameratgjengen har eit fast rituale på skulen kvar fredag. Eit hint: Det involverer bakst