På lesartoppen finn vi fleire nære møte med menneske med ulike skjebnar.
Saka om Daniel Larsen (24) som fall ned frå ein altan, blei lam frå nakken og ned og hamna i rullestol er den mest lesne.
Fire og eit halvt år seinare takkar Daniel ein støttande familie, gode vennar, ein meiningsfull jobb og beltestolen for at livet lysnar, fridomsfølelsen vaknar og at han snart skal flytte inn i eige hus.
Saka er open for alle og du kan lese den her:
Eitt uheldig sekund endra livet til Daniel (24) for alltid: – Eg tenker framleis på ulykkeskvelden
Mange lesarar har også kosa seg med saka om Kai Arne Otneim frå Leikanger i Stad kommune. Han fann ut han skulle tulle litt med naboen sin som er Manchester United-supporter. Han måla derfor namnet på sitt favorittlag sitt – Liverpool – på hustaket.
Kai ville tulle litt med naboen – måla namnet til favorittlaget sitt på hustaket
Det spesielle med denne saka er at den er skriven av sjuandeklassingane Markus Dalsbø, Sebastian Borgundvåg Otneim, Aron Finnseth og Oskar Refsnes ved Stadlandet skule. Den gjekk rett inn på lesartoppen på fjt.no.
Fjt.no har også vore staden å gå når det skjer store og små ting i lokalsamfunnet vårt. Sakene om ei alvorleg trefellingsulukke ved Vågsvåg, ein redningsaksjon med tragisk utfall i Eidsfjorden og raset der ein 800 kilo tung stein dundra ned frå fjellsida og trefte ein bil er alle saker som mange ville få med seg.
800 kg tung stein dundret ned fra fjellsida og trefte bil: – Den eller de som satt i bilen har hatt veldig flaks
Fjordenes Tidende har også vore ein arena for debatt, og dei to mest lesne lesarinnlegga i 2022 handlar begge om Stad skipstunnel.
Det eine er skrive av Omar Heymans frå Bergen. Dette lesarinnlegget er lese av 36.142 personar. Det andre skipstunnel-innlegget som ligg langt oppe på lista er skrive av Kinn-ordførar Ola Teigen. Innlegget «Hva faen skal vi med Stad skipstunnel?» er lese av over 16.000 personar.
«Det er først når de enorme ressursene i form av tunnelmasser, ligger på sjøbunnen, utilgjengelig og ubrukelig, at toget er gått»
«Hva faen skal vi med Stad skipstunnel?»
Her er topp ti mest lese saker i 2022:
Eitt uheldig sekund endra livet til Daniel (24) for alltid: – Eg tenker framleis på ulykkeskvelden
Prisdryss til lokale fotballheltar
Hva faen skal vi med Stad skipstunnel?
Mann skal vere alvorleg skada etter ulykke
Mann omkom etter arbeid med trefelling
Kai ville tulle litt med naboen – måla namnet til favorittlaget sitt på taket
Her får du oversikt over alle anløpene i Måløy i sommer
Katta ute av sekken: Subwoolfer avslørt framfor 250 pressefolk