Politiførstebetjent ved Vågsøy lensmannskontor, Roger Gundersen seier til Fjordenes Tidende at politiet er interesserte i tips frå nokon som har køyrd mellom Måløy og Eid denne skjærtorsdag føremiddag.
Vi er interessert i å snakke med folk som har køyrd i begge retningar og som har sett noko unormalt, seier Gundersen.
Grunnen til at politiet er interesserte i å komme i kontakt med sjåføren av ein buss som køyrde frå Måløy til Eid denne føremiddagen, er at passasjeren i den eine ulukkesbilen som var på veg mot Eid har forklart at dei vart forbikøyrd av ein større buss som også var på veg mot Eid like før ulukka.
Vil ha kontakt med bussjåfør
- Dette var ikkje ein rutebuss. Men denne bussen kan ha møtt den eine ulukkesbilen som kom frå Eid og i retning Måløy. Er det nokon som har opplysningar så er det berre å kontakte politiet sin vaktsentral, seier Gundersen.
Fredag kveld klokka 22.30 hadde ikkje føraren av denne bussen meldt seg for politiet.