Dei fire ektepara som aldri vil flytte frå Silda skapte engasjement, og svært mange har lese om dei fire søskena og ektefellane deira som bur på den vesle øya i Sildagapet i Kinn kommune.
Har du ikkje lese den? Då har du sjansen til å bruke nokre minutt av dagen til å finne ut kvifor Margun Fure (82) er så glad kvar gong ho kan reise heim til Silda.
Fire ektepar vil aldri flytte frå Silda: – Eg er så glad kvar gong eg reiser heim. Øya er i hjartet mitt
Subwoolfer-saka gjekk bananas
Både innbyggarar i Kinn, andre nordmenn og Eurovision-fans i utlandet skapte tilstandar som ikkje er kvardagskost på fjt.no. Alle på jakt etter svaret på musikkmysteriet Subwoolfer.
Youtubarar undersøker og samanliknar høgde på dei to artistane i gruppa og diskuterer sangstemmene for å finne ut kven det er. Då Subwoolfer skulle spele inn musikkvideo i februar, søkte VG opp bilskilta til dei som hadde parkert utanfor settet.
Men Fjordenes Tidende kunne måndag avsløre kven som skjuler seg bak maskene – i alle fall nesten.
Artikkelen om sjømatselskapet Babord sine store planar på Raudeberg i Kinn kommune blei også veldig godt lesen. Dei bygger eit stort slakte- og produksjonsanlegg, og spår nye arbeidsplassar til mellom 60 og 100 personar dei neste åra.
Brann og hærverk
Hærverk på bilar er heller ikkje kvardagskost i Måløy, men denne veka har to bilar i sentrum blitt ramponert. Reidar Husevåg som kom heim frå jobb og fann bilden ramponert har anmeldt forholdet til politiet.
Politiet ønsker i denne saka tips dersom nokon har sett noko.
Brannen i ein tomannsbustad natt til laurdag var også noko lesarane ville få med seg.
Gjev pris til lokalavisa
Det var også koseleg at mange av lesarane våre ville lese om at Fjordenes Tidende blei årets lokalavis under årsmøtet og premiefesten til LLA, Landslaget for lokalaviser, i Ålesund førre helg.